David Evans and Sons

Click for English

Sefydlwyd y siop gemau ym 1884 gan David Evans, a oedd wedi dychwelyd o'r môr yn dilyn anafiadau, i gychwyn ar fenter newydd.
Dros y blynyddoedd ffynnodd y cwmni gan sefydlu ei enw da sydd yn gyfystyr â gemwaith.
Priododd David Evans ag Abigail a chawsant bum plentyn: William, Jack, Tom, Ivor ac Annie. Bu farw David Evans yn ifanc, ac am flynyddoedd wedyn ei weddw oedd wrth y llyw.

Trosglwyddodd hithau'r awenau i Annie a Willie Evans (Willie ac Anni'r 'Watch') - Willie oedd yn trwsio a chywiro clociau a watshis, ac ef hefyd oedd â gofal am gloc y dre hyd ei farwolaeth ym 1963. Annie oedd yn gyfrifol am anghenion ei chwsmeriaid deallus. Bu farw hi ym 1980 ac etifeddwyd y busnes gan ei nith a'i nai, Peggy a David. Peggy a Lavinia, gwraig David, wedyn oedd â gofal rheoli'r siop.

Ym 1982 penderfynwyd ei ehangu i gynnwys tsieina a gwydr, gan hefyd gadw cymeriad a hudoliaeth yr adeilad gwreiddiol.Datblygwyd yn uned mewn cefndir o geinder a chyfaredd i arddangos y tsieina a'r gwydr cain sydd yma. Ymddeolodd Peggy ym 1993; penderfynodd David a Lavinia i symud y busnes ymlaen ac ym 1999 ehangwyd y siop unwaith eto gan ei ymestyn 200%.

Mae'r siop bellach wedi mynd o nerth i nerth ac erbyn heddiw mae'n fusnes sydd yn cynnig y gwasanaeth gorau i'w gwsmeriaid. Ar ei silffoedd gwelir crochenwaith a gwydr o'r safon uchaf.

Click for English